இன்று சென்னை சேப்பாக்கம் எம் ஏ சி கிரிக்கெட் மைதானத்தில் மும்பை இந்தியன்ஸ் அணிக்கும் சென்னை சூப்பர் கிங்ஸ் அணிக்கும் இடையே ஆன போட்டி நடந்தது. டாஸ் வென்ற சென்னை அணி பந்து வீச்சை தேர்வு செய்தது. களம் புகுந்து ஆட வந்த மும்பை இந்தியன்ஸ் அணி இருபது ஓவரில் எட்டு விக்கெட் இழப்பிற்கு 139 ரன்களை எடுத்தது .140 ரன்களை எடுத்தால் வெற்றி பெறலாம் என்கிற இலக்கோடு களம் இறங்கிய சென்னை அணி தம் சொந்த மைதானத்தில் வெற்றியைப் பெற வேண்டும் என்கிற முனைப்போடு இறங்கி விளையாட ஆரம்பித்தது.. 17.4 ஓவரில் நான்கு விக்கெட் இழப்பிற்கு 140 ரன்கள் எடுத்து ஆறு விக்கெட் வித்தியாசத்தில் சென்னை அணி வெற்றி பெற்றது... கிட்டத்தட்ட 13 ஆண்டுகள் கழித்து மும்பை அணியை சென்னை அணி வீழ்த்தி வெற்றி பெற்றிருக்கிறது என்பது ஐபிஎல் வரலாற்றில் குறிப்பிடத்தக்கது.
