தூத்துக்குடி மாவட்டம் கோவில்பட்டி கிருஷ்ணா நகரில் உள்ள செயற்கை புல்வெளி ஹாக்கி மைதானத்தில் கே ஆர் கல்வி நிறுவனங்கள் சார்பில் லட்சுமி அம்மாள் நினைவுக்கோப்பைக்கான அகில இந்திய அளவிலான ஹாக்கி போட்டிகள் இன்று தொடங்கியுள்ளது  பத்து நாட்கள் நடைபெறும் இந்த போட்டியில் 16 அணிகள் கலந்து கொண்டுள்ளன. நான்கு பிரிவுகளாக பிரிக்கப்பட்டு லீக் போட்டிகள் தொடங்கியுள்ளன.

முதல் நாளான இன்று காலை நடைபெற்ற முதல் லீக் போட்டியில் என்.சி.ஓ.இ. (நேஷனல் சென்டர் ஆஃப் எக்ஸலன்ஸ்) - போபால் அணியும் மற்றும் இன்கம் டேக்ஸ் சென்னை அணியும் மோதின. இதில் 1:0 என்ற கோல் கணக்கில் இன்கம் டேக்ஸ் சென்னை அணி வெற்றிப் பெற்றது.

மாலையில் நடைபெற்ற முதல் போட்டியில்  மும்பை யூனியன் பேங்க்  அணியுடன் ஒடிஷா டாடா நாவல் ஹாக்கி அகாடமி அணி  மோதின.இதில் 2:1 என்ற கோல் கணக்கில் மும்பை யூனியன் பேங்க் அணி வெற்றிப் பெற்றது.

இதற்கு  அடுத்து நடைபெற்ற லீக் ஆட்டத்தில் ஹைதராபாத் ஸ்போர்ட்ஸ் ஆதாரிட்டி ஆப் இந்தியா அணியுடன் சென்னை இந்தியன் பேங்க் அணி  மோதியது.இதில் 2:2 என்ற கோல் கணக்கில் சமனில் முடிந்தது.இதையடுத்து  நடைபெற்ற லீக் ஆட்டத்தில் புவனேஸ்வர்  நிஸ்வாஸ் அணியுடன் சென்னை தமிழ்நாடு லெவன் அணி மோதியது.இதில் 4:1 என்ற கோல் கணக்கில் புவனேஸ்வர்  நிஸ்வாஸ் அணி வெற்றி பெற்றது.

கோவில்பட்டி பகுதியில் இரவில் பரவலாக மழை பெய்தது. மழையையும்  பொருட்படுத்தாமல் ரசிகர்கள் ஹாக்கி போட்டியை ரசித்தனர்.