உலக ஜூனியர் மல்யுத்த சாம்பியன்ஷிப்பில் இந்திய வீராங்கனை பிபாஷா வெள்ளி வென்றாார்.
ரஷியாவின் உபாவில் உலக ஜூனியர் மல்யுத்தம் போட்டி நடைபெற்று வருகிறது. இதில் இந்திய வீராங்கனை பிபாஷா 76 கிலோ எடைப்பிரிவு இறுதிப்போட்டியில் அமெரிக்காவின் கைலி ரெனீ வெல்கரை எதிர்கொண்டார். இதில் பிபாஷா தோல்வியடைந்து வெள்ளி பதக்கம் வென்றார். 62 கிலோ பிரிவு வீராங்கனையான சஞ்சு தேவி, அரையிறுதியில் அஜர்பைஜானின் பிர்குல் சோல்டானோவாவை 8- 5 என்ற கணக்கில் வீழ்த்தி இறுதிச்சுற்றுக்கு முன்னேறினார். அதில் அவர் ரஷியாவின் அலினா கசாபிவாவை எதிர்கொள்ள இருக்கிறார். அதேபோல், 65 கிலோ பிரிவு அரையிறுதியில் இந்திய வீராங்கனை பாதேரி - ருமேனியாவின் அமினா ரோக்ஸானா கபெஸானை வீழ்த்தி இறுதிச்சுற்றுக்கு தகுதிபெற்றார். அதில் மால்டோவாவின் இரினா ரிகான்சியை சந்திக்கிறார்.
வெண்லகப் பதக்கத்துக்கான சுற்றுகளில் 50 கிலோ பிரிவில் சிம்ரன் 7- 3 என்ற கணக்கில் பெலாரஸின் நடாலியா வராகினாவையும், 55 கிலோ பிரிவில் சிதோ - தொழில்நுட்பப் புள்ளிகள் அடிப்படையில் துருக்கியின் மெல்டா டெரென்க்ஸியையும் வீழ்த்தி வெண்கலப் பதக்கத்தை வென்றனர். குசும் (59 கிலோ), ஸ்னேஹா (72 கிலோ) ஆகியோா் அந்தச் சுற்றில் தோல்வி அடைந்தனர். பிங்கி (53 கிலோ), மான்சி (57 கிலோ) ஆகியோர் காலிறுதியில் தோல்வி அடைந்தனர்.
